Projekte dhe aktivitete

Ekspozitë virtuale " Shpresë"

EKSPOZITË VIRTUALE -“SHPRESË”
“Arti flet kur fjalët janë të paafta për të shpjeguar“ – mbase kjo thënie do t’i përshtatej më shumë situatës aktuale, që pas gjithë kësaj kohe në izolim dhe gjatë mësimit online, nxënësit tanë kanë diçka për të treguar përmes artit të tyre, ku përmes vijave, formave dhe ngjyrave shprehin ndjenjat dhe gjendjen e situatës që po kalon e gjithë bota e poashtu edhe se si do ta shohin botën pas kësaj pandemie të përmasave botërore që pak e nga pak, pa e hetuar, po na e ndryshon mënyrën e jetës.
Të gjitha punimet janë realizuar nën kujdesin e arsimtares të artit figurativ Albulena R. Kaba dhe po i postojmë në faqen zyrtare FB të shkollës. Ju përgëzojmë për punimet dhe ju urojmë suksese!
Shpresojmë se pavarësisht situatës së krijuar me pandeminë e Coronavirusit, nxënësit me sukses do t’i përvetësojnë të gjitha mësimet ONLINE deri në fund të vitit shkollor 2019-2020, që për herë të parë nga egzistimi i institucionit, do të përfundojë me mësim në distancë/online deri më 10.06.2020.
Njëkohësisht bëjmë apel deri tek nxënësit, prindët dhe gjithë qytetarët që të respektojnë me përpikmëri të gjitha masat e rekomanduara nga autoritetet shtetërore, komunale dhe OBSH me qëllim të kthimit të jetës në normalitet në afat sa më të shkurtër.
Sh.F.K. “Said Najdeni” – Dibër
Drejtor
Burim Kaziu